 |
| Faito |
Sì n’ato, mo,-Mo’ si nu gran signore,
ca mmite’o munno a te venì a truvà
e‘estate e ’e vierno: pe ’nce dà nu scìore
‘e chille ca ‘un se trovano in città!
Ca mmite ‘a gente
pe’nce fa guardà
‘ a sti schianate ‘
verde, a tutte ll’ore,
chello ca sulo Dio è capace ‘e fa,
e d’ ‘a rannezza Soia tutto ‘o sbrennore!
Albere ‘ e pigne antiche, albere abete,
ciardine e uorte e casarelle ‘e fate,
e funtanella pe chi tene sete!
Na luna p’ogne notte ‘ e sentimento!
Nu bosco p’ogne coppia ‘e nnammurate!
Luntano, a mare, na velella a ‘ o viento!
Cappella ‘ e San Michele, fravecata
da ‘ e mane ‘ e Catelluccio e Nduliniello,
(io ancora aggia capì si staie appuiata
‘ncoppa’ ‘ a sta
cimma, o cu nu spavitiello
staie appesa a ‘o cielo) a st’anima malata
n’abbasta ll’aria doce d’ ‘o Castiello
nu poco ‘ e st’aria toia, ch’è ventariello…
Perciò sto cca, vestusto ‘a pellerino,
cu dint’ ‘o sacco nu
murziello ‘ e pane
e na burraccia ‘e acqua; e senza vino.
E ccà rummango, ‘a mo fino a dimane,
p’addimannà perdono a Gesù Cristo,
‘e tutt’ ‘e voce c’aggio fatto ‘o tristo!
Michele Paturzo
Nessun commento:
Posta un commento