Sto aspettànno ‘a chiù de n’ora,‘o pullman pe gghi’ a’ casa.
Songo ‘e tre, e int’’a cuntrora
cu stu càveroi che ‘ncasa
nun è cosa ‘e saglì a pere,
stongo già tutto sudato,
è succieso pure aiere
inutilmente aggio aspettato.
Addimànno a na signora
ca sta llà ‘a nu bellu piezzo:
“m’hanno ditto fra mez’ora,
pare se scassato ‘o mezzo”!
Na mez’ora? E mo aspetto,
pecché pesa chesta borza…….
e me cuntrollo ‘o biglietto.
“chille hanno zumpàta ‘a corza!
S’è scassato stammatina,
mo n’arriva uno ‘a Sorrento……
ma però è senza benzina
hadda fa rifornimento".
M’it’a credere, è nu schifo
Se po’ gghi’ annanzo accussì?
Va a fernì ca mo, me ngrifo
E ‘e manno addò sacc’i’!
Pe’ furtuna sto a Bonea,
ma chi hadda saglì a Muiano,
hadda fa chest’odissea
tutte ‘e juorne? E’ disumano!
Tutto chistu disservizio,
n’hadda interessà ‘o comune?
Embeh, me venesse ‘o sfizio
d’’e piglià a scuppulune!
Ma vedimme ‘e fa quaccosa!
Iammo abbascio ‘a stazione! C
a sta cosa è disgustosa.
Nessun commento:
Posta un commento
La qualità e l’efficacia del blog dipendono quasi interamente dai vostri contributi. Si raccomanda, perciò, attinenza al tema, essenzialità e rispetto delle elementari regole di confronto. I messaggi diffamatori, scritti con linguaggio offensivo della dignità della persona, razzisti o lesivi della privacy, pertanto, non saranno pubblicati.