Chello che veco è preoccupante.
A parte ca sto scarpesànno vrito;
ma chesto è frutto d’’a gente ignorante.
Dicevo sto guardànno cu tristezza
nu tratto ‘e sottobosco a canto ‘e via,
scumparso sotto a muntùne ‘e munnezza.
Che brutta cosa! Che malincunìa!
E’ grave ca nisciuno ne piglia cunto,
manco cu na pulitica creativa.
Nisciuno se ne fotte, chist’è ‘o punto,
pe’ chesto è na discarica abusiva.
Era nu paraviso, fin’aiere,
nce purtave tranquillo ‘e ccriature.
Mo ‘e a sta attiento addò miette ‘e piere;
vie e sentiere nun so’ cchiù sicure.
Io penzo: na muntagna comm’a chesta,
ca nasce ‘a mare e more ‘mparaviso,
ca addeventa cu ‘e fagge na foresta…..
Chi nn’have ‘a colpa, pozz’essere acciso!
Nessun commento:
Posta un commento