Signor sindaco, assessore!
Io sulo a vvuie cunosco,
ma avite visto che orrore
ch’è ‘a Raffaele Bosco?
Vuie ve site annascuse
entrambe areto ‘o dito,
nun vedite ‘e purtuse
‘a Moiano a SantuVito.
Pare na rattacàsa
pertuse a miliune,
ca nce pare ‘e sta ‘e casa
overo ncopp’’a Luna.
Figurate si chiove:
nun se védeno ‘e fuosse,
cammine ncopp’’a ll’ove
si no, te rumpe ll’osse.
Si scinne cu nu mezzo?
Buche pe’ tutto pizze,
sbatte int’’a nu rappezzo
sciùlie e te scapizze.
E po’, si manco ‘e cane
scinne cu ‘a visparella……
T’abbàlla sott’’e mmane
comm’a na tarantella.
Nessun commento:
Posta un commento